जाइब देवी के दुवरिय हो रामा
होत भोरहरिया
देवी दुवारे बाजे अनघ बधाइयां 3
अरे मईया झूले निमिया के डलिया हो रामा 2
होत भोरहरिया
जाइब देवी के दुवरिय हो रामा
बेला चमेली के, माला मगाइबे 3
सांगवा में नरियर चुनरिया हो रामा 2
होत भोरहरिया
जाइब देवी के दुवरिय हो रामा
हिय बसे मोरे मैया के सुरतिया 3
दिहे दरश मोरी मयरिया हो रामा 2
होत भोरहरिया
जाइब देवी के दुवरिय हो रामा
सुनीला अरज बाटे जबले जिनिगिया
पूजबे चरन बन पूजरिया हो रामा
होत भोरहरिया
जाइब देवी के दुवरिय हो रामा
गीतकार श्री जितेंद्र सिंह जीत
गायन प विजय कपूर जी
