ताना मारे बाली, हो बिंदिया, रोवेला कजरवा
पिया पजरवा नइख
कइसे करीं तोहरे बिन गुजरवा
पिया पजरवा नइख
दिनवा त बीत जाला बीते नाहीं रतिया
अंखिया से बिसरे नाहीं तोहरी सुरतिया
जागल, जागल होई जाला भिनसरवा
पिया पजरवा नइख
कइसे करीं तोहरे बिन गुजरवा
सुधियो ना लिहल पिया जहिया से गइल
कवने कामे में जाके तूं हूं अझुरइल
समझ में आवे नाहीं कवनो मजरवा
पिया पजरवा नइख
कइसे करीं तोहरे बिन गुजरवा
हमरा के साले एगो शक वाली बतिया
रखिह ना संइया तुंहू कवनो सवतिया
सागर सनेही हमके तोहरे असरवा
पिया पजरवा नइख
कइसे करीं तोहरे बिन गुजरवा
0 comments:
Post a Comment