बहुत नाच जिनिगी नचावत रहलहँसावत, खेलावत, रोआवत रहल मनोज 'भावुक'

#जिनिगी

बहुत नाच जिनिगी नचावत रहल

हँसावत, खेलावत, रोआवत रहल

कहाँ खो गइल अब ऊ धुन प्यार के

जे हमरा के पागल बनावत रहल

बुरा वक्त में ऊ बदलिये गइल

जे हमरा के आपन बतावत रहल

बन्हाइल कहाँ ऊ कबो छंद में

जे हमरा के हरदम लुभावत रहल

उहो आज खोजत बा रस्ता, हजूर

जे सभका के रस्ता देखावत रहल

जमीने प बा आदमी के वजूद

तबो मन परिन्दा उड़ावत रहल

कबो आज ले ना रुकल ई कदम

भले मोड़ पर मोड़ आवत रहल

लिखे में बहुत प्राण तड़पल तबो

गजल - गीत ‘भावुक’ सुनावत रहल

✍️ मनोज 'भावुक'

      सिवान, बिहार