फगुआ में कहां अंझुरइलें हो बचवा काहें नाहीं अइलें

फगुआ के मस्ती सब झूमत औ गावत बा

लेके गुलाल रंग अंग अंग सब  लगावत बा

"सागर सनेही"बचवा अइलें ना घर हमरो 

बहे अंखियां से लोर याद माई के सतावत बा

फगुआ में कहां अंझुरइलें हो 

बचवा काहें नाहीं अइलें 

ममता के कइसे भुलि गइलें हो

बचवा काहें नाहीं अइलें 

सोचलीं कि अइहं त उबटन लगाइब 

दुःखवा दरिद्र उनके दूर हम भगाइब

ललसा अधूरा रह गइलें हो

बचवा काहें नाहीं अइलें 

पुआ, पकवान खूब निक हम बनइतीं 

बबुआ के हाथे अपनी हमहूं खियइतीं 

सपना पर पानी फिर गइलें हो

बचवा काहें नाहीं अइलें 

सागर सनेही कुछ कहलो ना जात बा

भीतर भीतर मन मोरा अकुलात बा

केवनी माया में परि गइलें हो

बचवा काहें नाहीं अइलें

Read More

अचके में नेहिया सनेहिया भुलाईबचवन के छोड़ि कहां गइलू ए माई

अचके में नेहिया सनेहिया भुलाई

बचवन के छोड़ि कहां गइलू ए माई

दिहलू जनमवा माई दुधवा पियवलू 

अपने भले ना खइलू हमके खियवलू

हीरा, मोती, लाल कहि अब के बोलाई

बचवन के छोड़ि कहां गइलू ए माई 

अंगूरी पकड़ि हमार चले तूं सिखवलू

दुनिया समाज के तूं रहिया देखवलू

दुखवा तूं दूर कइलू छाती से लगाई

बचवन के छोड़ि कहां गइलू ए माई 

भुखलू जिउतिया छठ कइलू तूं पूजा 

बचवन के खुशी मंगलू कुछ ना दूजा 

नजर उतारी के अब मरिचा जराई 

बचवन के छोड़ि कहां गइलू ए माई 

सब कुछ बाटे माई लागता अधूरा 

तोहरी कमी के माई के करी पूरा

सागर सनेही के बुद्धिया भुलाई 

बचवन के छोड़ि कहां गइलू ए माई

Read More

कइसे् लें आईं तोहरा के हार धनिया अब्बो नथुनी के बाकी उधार धनिया

कहली पत्नी पति से भये पांच साल किनले नथुनी

अब हार ले आव हे संइया बहुत दिन कुछ ना कहनी

कब्बो बाढ़ त कब्बो सूखा तोहरो बहाना खूब सुननी

"सागर"स्नेह नेह में तोहरी कबहूं कुछ हम ना मंगनी

कइसे् लें आईं तोहरा के हार धनिया 

अब्बो नथुनी के बाकी उधार  धनिया 

धीरे धीरे पांच साल बाटे नियराइल

नथुनी के पइसा ना अबले दियाइल

लाजे जांयी ना हमहूं बाजार धनिया 

कइसे लें आईं तोहरा के हार धनिया 

एक बात कहीं हम मान मोरी रानी 

सेनुरा सुहाग के ह असली निशानी

हम त हयीं सेनुरवा तोहार  धनिया 

कइसे लें आईं तोहरा के हार धनिया 

"सागर सनेही" हम करतानी वादा 

येह साल मेहनत करब हम ज्यादा 

देके पहिला उधार लेबें हार धनिया 

कइसे लें आईं तोहरा के हार धनिया

गीतकर सागर स्नेही जी

Read More

दुनिया के रीति नीति गजबे निराली बिना रे सजनवा गवन गोरी जाली

दुनिया के रीति नीति गजबे निराली 

बिना रे सजनवा गवन गोरी जाली 

अपने ना आवे पिया भेजें ना नाई

अचके में होखे लागे घर से विदाई 

नइहर के लोग संगे, नाहीं ससुराली 

बिना रे सजनवा गवन गोरी जाली 

बांस के डोली बाटे ललका ओहरवा 

घर ही के लोग बाग बनेले कहंरवा

पिया के नगरिया चलेले हाली हाली 

बिना रे सजनवा गवन गोरी जाली 

दान, दहेज में भी कुछ ना दियाता 

गुन,अवगुनवा के गठरी भर जाता 

"सागर सनेही"दूनों हाथ बाटे खाली 

बिना रे सजनवा गवन गोरी जाली

गीतकार सागर स्नेही जी

Read More

रहिया निहारे पिपरवा के छाव रेआजा परदेसिया बोलावे तोर गांव रे

रहिया निहारे पिपरवा के छाव रे

आजा परदेसिया बोलावे तोर गांव रे

याद करा तुहु पहिले के बतिया

होलिया के दिनवा आ होलिया के रतिया

फिर से उहे पिरितिया जगाव रे

आजा परदेसिया बोलावे तोर गांव रे

तोहरा बिना ई फगुनवा न सोहे

लाल गुलाबी अंगनवा न सोहे

केतनो पियाई चढ़त नइखे भाग रे

आजा परदेसिया बोलावे तोर गांव रे

सुनिके पपीहरा और मोरवा के बोलिया

लागे करेजवा में जैसे कि गोलियां

नीक न लागे कागा के काव रे

आजा परदेसिया बोलावे तोर गांव रे

अमवा इमिलिया के सुंदर बगिया

ग उ वा के लोगवा के मीठी मीठी बोलिया

कहे जितेंद्र वचनिया निभाव रे

आजा परदेसिया बोलावे तोर गांव रे

रहिया निहारे पिपरवा के छाव रे

आजा परदेसिया बोलावे तोर गांव रे

रचना गायन-:

जितेंद्र पांडेय जी 

अयोध्या उत्तर प्रदेश

Read More

मोहन संग खेलत राधा प्यारी बरसाने में होली

धूम मचल बा ,आज बिरज में

खेलत होरी मुरारी हो

राधा प्यारी संग में शोभत

रूप अति मनिहारी हो

मोहन संग खेलत राधा प्यारी 3

बरसाने में होली 2

केहू के भिगत पाग पगरिया 2

केहू के भिगत चोली

मोहन संग ......

केहु चटकट केहु मॅट कट आवे

केहु जोगीरा फ़ाग सुनावे

बा धूम मचल मधुबन गलियन में

जुटल गोपियन के टोली

मोहन संग ......

होली आई रे कन्हाई रंग बरसे सुना दे जरा बासुरी

राधा गोरी श्याम के रंग में हो गइल मतवाली

रंग गुलाल से चमकत चुनरी चमकत आओठ के लाली

देखी अति आनंद मगन मन भइले करत श्याम ठिठौली

बरसाने में होली 2

मोहन संग ......

Read More

एक प्यारा-सा गाँव, जिसमें पीपल की छाँव- सुदर्शन फ़कीर

एक प्यारा-सा गाँव, जिसमें पीपल की छाँव

छाँव में आशियाँ था, एक छोटा मकां था

छोड़ कर गाँव को, उस घनी छाँव को

शहर के हो गये हैं, भीड़ में खो गये हैं

वो नदी का किनारा, जिसपे बचपन गुज़ारा

वो लड़कपन दीवाना, रोज़ पनघट पे जाना

फिर जब आयी जवानी, बन गये हम कहानी

छोड़ कर गाँव को.....,

किनते गहरे थे रिश्ते, लोग थे या फ़रिश्ते

एक टुकड़ा ज़मी थी, अपनी जन्नत वहीं थी

हाय ये बदनसीबी, नाम जिसका गरीबी

छोड़ कर गाँव को.....,

ये तो परदेश ठहरा, देश फिर देश ठहरा

हादसों की ये बस्ती, कोई मेला न मस्ती

क्या यहाँ ज़िंदगी है, हर कोई अजनबी है

छोड़ कर गाँव को..….......

Read More